काठमाडौं – क्रिकेटका पूर्वकप्तान नीरज श्रेष्ठको निधन भएको छ ।

आठ महीनादेखि रक्त क्यान्सरको उपचार गराइरहेका मकवानपुर निवासी श्रेष्ठकोे शहीद मेमोरियल अस्पताल काठमाडौँमा आइतबार निधन भएको क्रिकेट सङ्घ मकवानपुरले जनाएको छ ।

३६ वर्षीय श्रेष्ठले मकवानपुरमा क्रिकेटको प्रवद्र्धनका लागि महत्वपूर्ण योगदान गरेका छन् ।

क्रिकेट सङ्घ मकवानपुरले शोक वक्तव्यमार्फत मकवानपुर क्रिकेट सङ्घका सदस्य एवं पूर्वकोषाध्यक्ष तथा मकवानपुरको पूर्वकप्तानसमेत रहेका श्रेष्ठको निधनले क्रिकेट क्षेत्रले आशलाग्दो युवा गुमाएको जनाएको छ । श्रेष्ठका आमा, बुबासहित श्रीमती र एक छोरा छन् ।