काठमाडौं – आइसिसी वर्ल्डकप लिग २ अन्तर्गतको त्रिकोणात्मक सिरिज खेल्न अमेरिकी क्रिकेट टोली नेपाल आइपुगेको छ । नेपाल, ओमन र अमेरिकाबीच हुने त्रिकोणात्मक सिरिजका लागि अमेरिकी टिम नेपाल आइपुगेको हो ।

तयारीका लागि मुम्वईमा रहेको अमेरिकी टिम आइतबार बेलुकी नेपाल एयरलाइन्सबाट काठमाडौँ आर्लिएको थियो ।

नेपाल क्रिकेट एशोसिएसन (क्यान) का अध्यक्ष चतुरबहादुर चन्दका अनुसार अमेरिकी टिम सोल्टी होटलमा बस्नेछ । मुलपानी मैदानमा अभ्यास खेल खेल्ने छ । ओमनको टिम पनि आजै नेपाल आइपुग्ने चन्दले बताए ।

नेपाल आएको अमेरिकी क्रिकेट टिममा शौरभ नेत्रभाल्कर (कप्तान), स्टेभन टेलर, करिमा गोरे, इयन हल्याण्ड, अक्षय होमराज, एलमोर हुटचिनसन, आरोन जोन्स, नोथुस केन्जिगे, ज्याभिएर मार्सल, मोनान्क पटेल, निसर्ग पटेल, तिमिल पटेल, क्यामरुन स्टेभेन्सन र रस्ती थोरन रहेका छन् ।