दाङ– प्रदेश ५ को राजधानी माग गर्दै दाङमा चार दिनदेखिको आमहड्ताल शनिबार स्थगित भएको छ।

संयुक्त सर्वदलीय संघर्ष समितिको शनिबार बेलुुकाको बैठकले तत्कालका लागि हड्तालका स्थगित गरी आन्दोलनको स्वरुप परिवर्तन गर्ने निर्णय गरेको हो।

संघर्ष समितिले जारी गरेको प्रेस विज्ञप्तिमा राष्ट्रियसभा निर्वाचनलाई ध्यानमा राख्दै साथै निर्वाचन आयोगको आग्रहलाई गम्भीरतापूर्वक लिंदै केही समयका लागि बन्द र हड्तालका कार्यक्रम स्थगित गरिएको उल्लेख छ।

यद्यपी, राजधानीको मागसहित सर्वाेच्च अदालत जाने निर्णय समेत भएको छ।

संघर्ष समितिका सचिव एवं माओवादी केन्द्रका जिल्ला सहईञ्चार्ज निर्मल आचार्यका अनुसार अब कालो झण्डा प्रदर्शन, डेलिगेशन, विरोधसभा, रिले अनशन, धर्ना, कानूनी उपचार जस्ता कार्यक्रम गरिने छ।