धनगढी – कैलालीको जानकी गाउँपालिका–२ खैरेनीटोलस्थित सडकमा मोटरसाइकल दुर्घटना हुँदा चालकको मृत्यु भएको छ ।

सुप प्र ०१–००८ प ६८९८ नम्बरको मोटरसाइकल अनियन्त्रित भई आईतबार राति दुर्घटना हुँदा चालक भजनी नगरपालिका–८ बहादुरपुर बस्ने ३७ वर्षीय राजकुमार चौधरीको मृत्यु भएको हो ।

दुर्घटनामा गम्भीर घाइते भएका उनको निसर्ग अस्पताल हुँदै नवजीवन अस्पतालमा थप उपचारका क्रममा मृत्यु भएको छ ।

घटना सम्बन्धमा आवश्यक अनुसन्धान गरिरहेको प्रहरीले जनाएको छ ।