काठमाण्डु – देशभर विभिन्न स्थानमा ४ जना मृत अवस्थामा फेला परेका छन् ।

पर्वतको मोदी गाउँपालिका–३ स्थित घाइते जंगलमा कुश्मा नगरपालिका–४ बस्ने ७६ वर्षीय पदमबहादुर विश्वकर्मा बुधबार मृत अवस्थामा फेला परेका छन् ।

धनुषाको बिदेह नगरपालिका–५ मुडिया बस्ने ४० वर्षीया रामप्यारी देवी ठाकुर शहिदनगर नगरपालिका–६ हठिपुर गाउँस्थित धान खेतमा बुधबार मृत अवस्थामा फेला परेकी छन् ।

कैलालीको गोदावरी नगरपालिका–१ धनगढी रोडस्थित वनदेवी जंगलको छेउमा सोही नगरपालिका–४ बसन्तपुर बस्ने ३५ वर्षीय तेज रैकाल बुधबार मृत अवस्थामा फेला परेका छन् ।

चितवनको भरतपुर महानगरपालिका–८ गौरीगंजस्थित राष्ट्रिय निकुञ्जको जंगलभित्र भरतपुर–७ बस्ने ५० वर्षीया महाकाली दाहाल बुधबार मृत अवस्थामा फेला परेकी छन् ।

मृत फेला परेको सम्बन्धमा आवश्यक अनुसन्धान गरिरहेको प्रहरीले जनाएको छ ।