काठमाण्डु – जंगली हात्तीको आक्रमणमा परेर झापाको कचनकबल वडा नम्बर ७ की ३४ वर्षीया केलावती राजवंशीको मृत्यु भएको छ ।

स्थानीय दीपज्योति सामुदायिक वनमा गाउँका १५ जना महिलासँग दाउरा खोज्न गएकी राजवंशी बुधबार दिउँसो १२ बजेतिर एउटा हात्तीले लखेटेपछि जंगलमै हराएकी थिइन् ।

हात्तीले लखेटेर बेपत्ता महिलाकोलाई ईलाका प्रहरी कार्यालय बनियानीबाट प्रहरी नायब निरीक्षक रोहित मगरको नेतृत्वमा प्रहरी टोलीले खोजी गर्दा उनलाई घाइते अवस्थामा उद्धार गरिएको थियो । जिल्ला प्रहरी कार्यालय झापाका सूचना अधिकारी कृष्णकुमार चन्दले भद्रपुर प्रादेशिक अस्पताल पुर्‍याउनासाथ चिकित्सकहरूले घाइतेलाई मृत भइसकेको घोषणा गरेका थिए ।