काठमाण्डु – रूपन्देहीको कञ्चन गाउँपालिका–१ रामडाँडास्थित सडकमा लु३त ४५०५ नम्बरको ट्रयाक्टर अनियन्त्रित भई दुर्घटना हुँदा १ जनाको मृत्यु भएको छ ।

दुर्घटनामा ट्रयाक्टरमा सवार कञ्चन गाउँपालिका–२ मटेरिया बस्ने ६० वर्षीय चिन्का चौधरीको मृत्यु भएको हो ।

दुर्घटनामा गम्भीर घाइते भएका उनको लुम्बिनी प्रादेशिक अस्पताल बुटवलमा उपचारको क्रममा मृत्यु भएको छ । दुर्घटनामा घाइते भएका ट्रयाक्टर चालक समेत २ जनाको उपचार भइरहेको छ ।

उदयपुरको त्रियुगा नगरपालिका–११ मेनचोकस्थित सडकमा स१त ७८२१ नम्बरको ट्रयाक्टरले किचेर प्र १–०५–००१ प ७६८४ नम्बरको स्कुटर चालक रौतामाई गाउँपालिका–७ मुर्कुची बस्ने ४० वर्षीय बासु खड्काको सोमबार दिउँसो मृत्यु भएको छ ।

दुर्घटनामा गम्भीर घाइते भएका उनको जिल्ला अस्पतालमा उपचारको क्रममा मृत्यु भएको छ । ट्रयाक्टर चालकलाई प्रहरीले नियन्त्रणमा लिएको छ ।

दुर्घटनाका सम्बन्धमा आवश्यक अनुसन्धान गरिरहेको प्रहरीले जनाएको छ ।