एजेन्सी – बेलायतको इसेक्समा एउटा लरी कन्टेनरमा ३९ जना मानिसको शव भेटिएको छ । हत्याको आशंकामा लरीका चालक उत्तरी आयरल्याण्डका २५ वर्षिय एक युवकलाई प्रहरीले पक्राउ गरेको छ ।

प्रारम्भिक अनुसन्धान अनुसार ३८ वटा शव प्रौढ व्यक्तिका हुन् भने एउटा शव किशोरको भएको इसेक्स प्रहरीले जनाएको छ । प्रहरीका अनुसार सो लरी बुल्गेरियाको होलिहेडबाट शनिबार बेलायत प्रवेश गरेकोे त्यहाँको प्रहरीले जनाएको छ ।

अधिकारीहरुले जनाए अनुसार सो घटनाका पीडितहरुको पहिचान पत्ता लगाउने काम भइरहे पनि लामो प्रक्रिया रहेको बताएका छन् । लरी चालकलाई प्रहरीले घटनाका बारेमा आबश्यक सोधपुछ गरिरहेको जनाइएको छ । प्रहरीलाई स्थानीय एम्बुलेन्स सर्भिसका तर्फबाट खबर गरिएको थियो ।