धादिङ – धादिङको थाक्रे गाउँपालिका–१ खयरघारीमा यात्रुबाहक माइक्रो र बस आपसमा ठक्कर खाँदा धादिङमा १३ जना घाइते भएका छन्। सोमबार बिहान यात्रु बससँग ठोक्किएर माइक्रो बस खोलामा खस्दा १३ जना घाइते भएका हुन् ।

चितवनबाट काठमाडौँ जाँदै गरेको बा ५ ख २१५१ नम्बरको माइक्रो विपरित दिशाबाट आएको गरेको लु २ ख २१३४ नम्बरको बस एकापसमा ठोक्किएर दुर्घटना भएको जिल्ला प्रहरी कार्यालय धादिङले जनाएको छ । घाइते सबैको अवस्था चिन्तामुक्त रहेको र उनीहरुलाई उपचारका लागि काठमाण्डौं पठाइएको धादिङ प्रहरीले जनाएको छ।