काठमाण्डु – त्रिभुवन विश्वविद्यालय केन्द्रीय क्याम्यसको स्वतन्त्र विद्यार्थी युनियन (स्ववियु) सभापतिमा नेविसंघका उम्मेदवार दीपकराज जोशी विजयी भएका छन् ।

कूल ३ हजार ११८ मतदाता रहेको त्रिवि केन्द्रीय क्याम्पसमा नेविसंघका जोशी ७८९ मत ल्याएर विजयी भएका हुन् ।

अनेरास्ववियुका सिद्धान्त भट्टलाई ८ मतले हराउँदै जोशी विजयी भए । सिद्धान्तले ७८१ मत पाएका छन् ।

सभापतिमा नेविसंघका जोशीले ७८९, अनेरास्ववियुका भट्टले ७८१, अखिल क्रान्तिकारीका प्रविन दाहालले ७२७, स्वतन्त्र उज्ज्वल खड्काले ७१७ र स्वतन्त्र पदमा भुसालले १६६ मत पाएका छन् ।

सभापतिबाहेक अन्य पदमा अनेरास्ववियुका उम्मेदवार विजयी भएका छन् । निर्वाचनमा अनेरास्ववियुले सचिव कोषाध्यक्षसहित सबै सदस्य जित्न सफल भएको छ ।

सचिवमा हिक्मतकुमार बुढा र कोषाध्यक्षमा सञ्चमाया सुब्बा निर्वाचित बनेका छन् ।