काठमाण्डु – एसपीजी अटोमोबाइल्सले क्रिकेटर दिपेन्द्रसिंह ऐरीलाई ओमोडा एन्ड जेइकोको ब्रान्ड एम्बासडरमा नियुक्त गरेको छ ।

क्रिकेटर दीपेन्द्र र ओमोडा एन्ड जेइकोको नेपालका लागि आधिकारिक बिक्रेता शारडा ग्रूप एसपीजी अटोमोबाइल्स प्रालिबीच सोमबार सम्झौता भएसँगै उनी ब्रान्ड एम्बेसडर नियुक्त भएका छन् ।

नेपाल प्रिमियर लिग (एनपीएल) को उत्कृष्ट नेपाली खेलाडी घोषित सुदूरपश्चिम रोयल्सका कप्तान दीपेन्द्रलाई पुरस्कार बापतको कार हस्तान्तरण गरिएको थियो ।

ओमोडा एन्ड जेइको एनपीएलको पहिलो संस्करणको लागि ‘ड्रिभन बाइ’ सहप्रायोजक थियो । एनपीएल सुरु हुनुभन्दा अगाडि नै ओमोडाले उत्कृष्ट नेपाली खेलाडीलाई कार पुरस्कार दिने घोषणा गरेको थियो ।