काठमाण्डु- संयुक्त राज्य अमेरिकामा ४७औँ राष्ट्रपति छान्न भएको निर्वाचनको मतगणना जारी छ । दुई महत्वपूर्ण राज्य नोर्थ क्यारलाइना र जोर्जा आफ्नो पक्षमा आएपछि पूर्व राष्ट्रपति डोनाल्ड ट्रम्प जित नजिक पुगेका छन् ।

१९ इलेक्ट्रोरल भोट भएको पेन्सलभेनियाको नतिजा टम्पतिर जाने देखिएको छ । पेन्सलभेनिया जितेसँगै ट्रम्पको इलेक्ट्रोरल भोट २६६ हुनेछ । जबकी राष्ट्रपतिमा निर्वाचित हुन २७० चाहिन्छ ।

जित नजिक पुगेपछि उनले फ्लोरिडामा समर्थकहरूलाई समर्थन गर्न लागेका छन् । अमेरिकी राष्ट्रपति चुनावमा सात स्वीङ स्टेटलाई निर्णायक मानिएको थियो ।

एकपछि अर्को स्वीङ स्टेटमा पाएको सफलतासँगै ट्रम्पले आफ्ना समर्थकलाई सम्बोधन गर्ने तयारी गरिरहेका छन् । फ्लोरिडास्थित चुनावी अभियानको कार्यालयमा उनका समर्थकहरु ठूलो संख्यामा भेला भएका छन् ।