बर्दिवास- शिक्षा तथा विज्ञान प्रविधिमन्त्री गिरिराजमणि पोखरेलले शिक्षा क्षेत्रमा गरिने राजनीति सह्य नहुने बताएका छन् । गृहजिल्ला महोत्तरी आएका मन्त्री पोखरेलले जिल्ला सदरमुकाम जलेश्वरमा सरकारी कार्यालय प्रमुखलाई निर्देशन दिँदै शिक्षा क्षेत्रमा हुने राजनीतिलाई सबैले निरुत्साहन गर्नुपर्ने बताएका हुन् ।

तराईको सुगम जिल्ला भएर पनि महोत्तरी विकास सूचकांक निकै पछि पर्नु शिक्षा क्षेत्रकै गडबडी रहेको मन्त्री पोखरेलको भनाइ थियो । उनले जिल्लाका रामगोपालपुर, औरही र गौशाला नगरपालिकाभित्रका माध्यमिक शिक्षा परीक्षा केन्द्रको अवलोकन गर्दै त्यहाँको शैक्षिक अवस्था र समस्याबारे शिक्षक, कर्मचारी र अभिभावकसँग छलफल गरे ।