काठमाण्डु– आइतबार बाट सुरु भएको २ दिवसीय एलिट कपमा मधेश प्रदेशका ओपनर मयन यादवले पहिलो शतक बनाएका छन् ।

बागमती प्रदेशविरुद्ध विष्फोटक व्याटिङ गर्दै उनले १०२ बलमा शतक पूरा गरेका हुन् ।

मयनले १०८ बलमा १०६ रन बनाएर आउट भए । बागमतीका कप्तान सन्दीप लामिछानेले मयनको विकेट लिए ।पहिलो इनिङमा पाँच विकेट लिएका सन्दीपले दोस्रोमा पनि चार विकेट हात पारिसकेका छन् ।

पहिलो इनिङमा मधेश १०२ रनमै अलआउट भएको थियो । बागमतीले पहिलो इनिङमा १५० रन जोड्दै ४८ रनको अग्रता लिएको थियो ।