काठमाण्डु– जय ट्रफी पुरुष एलिट कप बहुदिवसीय क्रिकेट आजबाट सुरु भएको छ । नेपाल क्रिकेट संघ (क्यान)को आयोजनामा जनकपुर र पर्सामा एलिट कप सुरु भएको हो ।

प्रतियोगिताको पहिलो दिन दुई खेल सुरु भएका छन् । जनकपुरमा बागमती प्रदेशविरुद्ध मधेश प्रदेशले टस जितेर पहिला ब्याटिङ गर्दैछ भने पर्सामा त्रिभुवन आर्मी क्लबविरुद्ध नेपाल पुलिस क्लबले पहिला फिल्डिङ गर्दैछ ।

बागमतीको कप्तानी सन्दीप लामिछाने र मधेशको कप्तानी हरिशंकर शाहले गरेका छन् ।

पुलिसले टस जितेर पहिला फिल्डिङ गर्न लागेको हो । आर्मीको कप्तानी विनोद भण्डारी र पुलिसको कप्तानी आरिफ शेखले गरेका छन् ।

जय ट्रफीमा २०२४ को सुरुवातमा भएको प्रधानमन्त्री कप राष्ट्रिय एकदिवसीय क्रिकेट प्रतियोगिताको शीर्ष चार टोली नेपाल पुलिस क्लब, त्रिभुवन आर्मी क्लब, बागमती प्रदेश तथा मधेश प्रदेशले सहभागिता जनाएका छन् ।