काठमाण्डु – एभरेष्ट प्रिमियर लिग (ईपीएल) मा मंगलबार हुने काठमाण्डु किंग्स इलेभेन र पोखरा राइनोजबीचको खेल पनि स्थगित भएको छ । खेल मैदान वर्षाले भिजेका कारण आज हुने काठमाण्डु किंग्स इलेभेन र पोखरा राइनोजबीचको खेल पनि स्थगित भएको हो ।

मंगलबार काठमाण्डु र पाेखराबीचको खेल निर्धारित समय अनुसार दिउँसो १२ : १५ मा हुनुपर्ने थियो । अम्पायर र कप्तानबीचको लामो समयको छलफलपछि सो खेल स्थगित गर्ने निर्णय भएको हो ।

भिजेको मैदानको कारण खेलाडीले अभ्यासनै गर्न सकेका थिएनन् । यसअघि सोमबार तय भएको काठमाण्डु र विराटनगर वारिवर्सबीचको खेल पनि मैदान भिजेकै कारण स्थगित  भएको थियो ।

विनोद भण्डारीको कप्तानीमा रहेको पोखरा र भैरहवा ग्लाडीयटर्स बिचको खेलमा वर्षा बाधक भएपछि दुई टोलीले अङ्क बाडेका थिए । इपीएल गत शनिबारबाट सुरु भएको हो ।