काठमाण्डु-युरोकप २०२४ अन्तर्गत आज दुई वटा खेल हुँदैछ । समूह एफ को खेलमा पोर्चुगल र टर्कीबिच प्रतिस्पर्धा हुँदैछ ।

नेपाली समय अनुसार यी दुई बिचको खेल आज राती ९ः ४५ बजेबाट सुरु हुनेछ । जारी प्रतियोगितामा दुवैको यो दोस्रो खेल हो। दुवै टोलीले पहिलो खेल जितेका छन् ।

आजको खेल जितेर अघिल्लो चरणमा जाने लक्ष्यका साथ दुवै टोली मैदानमा उत्रिदैछन् । पोर्चुगलले पहिलो खेलमा चेक चेक रिपब्लिकलाई २–१ गोल अन्तरले पराजित गरेको थियो भने टर्कीले जर्जियालाई ३–१ गोलले हराएको थियो ।

यसै गरी समूह एफकै अर्का दुई टोली चेक रिपब्लिक जर्जियाबिच पनि आजै खेल हुनेछ । यी दुई बिचको खेल नेपाली समय अनुसार साँझ ६ः४५ बजे देखि सुरु हुनेछ । दुवै टोली पहिलो जितको खोजीमा मैदानमा जानेछन् ।