काठमाण्डु – राष्ट्रिय परीक्षा बोर्डले २०५६ सालदेखि २०७७ सालसम्म ११ र १२ कक्षामा विभिन्न विषयहरूमा अनुत्तीर्ण भएका विद्यार्थीले मौका परीक्षा दिन पाउने अवसर दिएको छ ।

बोर्डले अन्तिम पटकका लागि मौका परीक्षाको व्यवस्था गरेको जनाउँदै फाराम भर्न आह्वान गरेको छ ।

रजिस्ट्रेसन नम्बरको सुरुका २ अंक १२ कक्षाका लागि ५६ वा सोभन्दा बढी र ७७ वा सोभन्दा कम तथा ११ कक्षाको लागि ५६ वा सोभन्दा बढी र ७६ वा सोभन्दा कम भएका विद्यार्थीलाई अन्तिम एक पटकका लागि ग्रेडप्राप्त नगरेका विषयको परीक्षामा सहभागी हुन पाउने व्यवस्था गरिएको छ ।

बोर्डले आगामी मंसिर २७ गतेसम्म सम्बन्धित विद्यालयमार्फत आवेदन फाराम भर्नुपर्ने आह्वान गरेको छ । पुरानो ग्रेडिङ प्रणालीअनुसार डी र ई ग्रेड प्राप्त गर्न नसकेको विषयमा मात्र आवेदन फाराम भर्नुपर्ने बोर्डको सूचनामा उल्लेख छ ।

यस्तो छ सूचना –