काठमाडौं- नेपाल परिवार नियोजन संघ विघटन गर्ने सरकारको निर्णयलाई यथास्थितिमा राख्न सर्वोच्चले आदेश दिएको छ ।

सर्वोच्चले विपक्षीका नाममा कारण देखाउ आदेश जारी गरेको छ । सर्वोच्च अदालतका न्यायाधीश तेजबहादुर केसीको एकल इजलाशले आज उक्त आदेश दिएको हो ।

सरकारले परिवार नियोजन संघको केन्द्रीय तथा जिल्ला शाखाहरु विघटन गर्दै क्षेत्रबहादुर गिरीको संयोजकत्वमा तदर्थ समिति बनाउने निर्णय गरेको थियो । उक्त निर्णय रोक्न नेपाल परिवार नियोजन संघकी केन्द्रीय अध्यक्ष अमुसिंह सिजापतिले सर्वोच्चमा रिट निवेदन दर्ता गरेकी थिइन् ।