लास भेगास – अमेरिकाको लास भेगासको तीन तले अपार्टमेन्टमा आगो लाग्नाले ६ को मृत्यू भएको छ भने १३ जना घाइते भएका छन् । यसमा धुवाबाट बच्नका लागि केही मानिस माथिबाट हामफालेका थिए । लास भेगासको टुरिस्टी फ्रिमोट स्ट्रिट जिल्लाको केही दुरीमा यो अपार्टमेन्टको पहिलो तलाको स्टोभबाट आगो लागेको जाँचकर्ताले बताएका छन् ।

अग्नी नियन्त्रक विभागका प्रवक्ता टिम जिमान्सकीले भनेका छन्,“समयमै पुगेको अग्नी नियन्त्रक कर्मचारीले घाइतको प्राथमिक उपचार सुरु गरेका छन् । उनीहरुले झ्यालबाट पहिलेनै हामफालेका वा झुन्डिएका मानिसलाई पनि बचाउन सुरु गरेका छन् ।” १६ फीट अग्लो वा यो भन्दा अग्लो आगोको ज्वाला घातक हुन सक्ने पनि उनले बताए ।

यो आगलागीमा परेर १३ मानिस घाइते भएका छन् । यी मध्ये धेरै धुवाका कारण बिमारी भएका हुन् । कैयौ घाइतेलाई सामान्य चोट मात्रै लागेको छ । प्रवक्ताका अनुसार अपार्टमेन्टमा तीन व्यक्ति मृत फेला परेका छन् । कुनै अग्नी नियन्त्रक कर्मचारी घाइते भएका छैनन् ।