काठमाण्डु – नेपालले क्यानडासँगको पहिलो ओडिआई खेल खेलिरहेको छ । नेपाललाई समर्थन गर्न त्रिवि मैदानमा दर्शक पुगेका पुगेका छन् ।

यसैबीच क्रिकेट म्याच भइरहँदा दर्शकले सन्दीप लामिछानेको नाममा हुटिङ गरे । ‘सन्दीप हाम्रो शान हुन्, हामीलाई सन्दीप चाहियो’ भन्दै दर्शकबाट हुटिङ भएपछि प्रहरीले हस्तक्षप गर्यो । दर्शकले बोकेका केही ब्यानर पनि प्रहरीले खोसेको छ । केहीबेर तनावको अवस्था सिर्जना भएको थियो । हुटिङ गर्नेमध्ये दुई जनालाई प्रहरीले मैदानबाट निकालेको छ ।

क्यानडाविरुद्धको एकदिवसीय सिरिजअन्तर्गत पहिलो खेलमा नेपालले टस जितेर पहिलो ब्याटिङ रोजेको थियो ।