काठमाण्डु – अमेरिकी सेनाका जनरल जोशुआ एम.रुड काठमाण्डौं अवतरण गरेका छन् । अमेरिकी सेनाको इण्डो प्यासिफिक कमाण्डका डेपुटी कमाण्डर तीन तारे जर्नेल सेनाको विशेष विमानबाट चार सदस्यीय टोलीसहित नेपाल पुगेका हुन् ।

जरल रुड नेतृत्वको टोलीको चार दिने नेपाल भ्रमणको क्रममा सैनिक नेतृत्वसंग भेटवार्ता गर्ने कार्यक्रम छ । रुड बंगलादेश र भारतको भ्रमण सकेर नेपाल आएका हुन् ।

नेपाली सेनाका प्रवक्ता सहायकरथी गौरव केसीले अमेरिकी सेनाका जनरल रुड चार दिने नेपाल भ्रमणको क्रममा काठमाण्डौं आइपुगेको बताए ।

केसीकाअनुसार उनले नेपाली सेनाका प्रधानसेनापति अशोकराज सिग्देलसंग भेटवार्ता गर्नुका साथै सेनाको शिवपुरीस्थित सैनिक कमाण्ड एण्ड स्टाफ कलेज र पांचखालमा रहेको विरेन्द्र सैनिक तालिम केन्द्रको भ्रमण गर्ने कार्यक्रम रहेको छ ।