काठमाण्डु–आइतबार नेपाली बजारमा सुनको भाउ घटेको छ । शुक्रबारको तुलनामा आइतबार सुनको भाउ तोलामा ५ सय रुपैयाँले घटेको हो ।

शुक्रबार १ लाख ६६ हजार ५ सय रुपैयाँमा कारोबार भएको सुन आज १ लाख ६६ हजार रुपैयाँमा कारोबार हुने नेपाल सुनचाँदी व्यवसायी महासंघले जनाएको छ ।

यस्तै, चाँदीको मूल्य तोलामा २० रुपैयाँले घटेको छ । शुक्रबार प्रतितोला १९ सय ८० रुपैयाँमा कारोबार भएको चाँदी आज १९ सय ६० रुपैयाँमा कारोबार हुने महासंघले जनाएको छ ।