काठमाण्डु–नेपाली बजारमा बिहीबार सुनको भाउ बढेको छ । बुधबारको तुलनामा बिहीबार सुनको भाउ तोलामा ८ सय रुपैयाँले बढेको हो ।

हिजो १ लाख ५२ हजार ५ सय रुपैयाँमा कारोबार भएको सुन आज १ लाख ५३ हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।

आज चाँदीको मूल्य पनि प्रतितोला १० रुपैयाँ बढेको छ। हिजो १ हजार ८ सय ३० रुपैयाँमा कारोबार भएको चाँदी आज प्रतितोला एक हजार ८ सय ४० रुपैयाँ पुगेको महासंघले जनाएको छ।