काठमाण्डु – नेपाली बजारमा मंगलबार सुनको मूल्य घटेको छ । सोमबार प्रतितोला ९३ हजार ९०० मा कारोबार भएको सुन आज प्रतितोला एक हजार ६००ले घटेर ९२ हजार ३०० तोकिएको हो ।

तेजाबी सुनको मूल्य प्रतितोला ९१ हजार ८०० कायम भएको नेपाल सुनचाँदी व्यवसायी महासङ्घले जनाएको छ । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला १५ले घटेर एक हजार २ सय ५५ कायम गरिएको छ ।

अन्तरराष्ट्रिय बजारमा आज सुन प्रतिऔँस एक हजार ८०८ डलर आसपासमा कारोबार भइरहेको महासङ्घले जनाएको छ ।