काठमाण्डु – नेपाली बजारमा आज छापावाल सुन प्रतितोला ९२ हजार कायम भएको छ । सोमबार प्रतितोला ९१ हजार ८०० मा कारोबार भएको सुन आज प्रतितोला २ सयले बढेर ९२ हजार रुपैयाँ कायम भएको हो ।

नेपाल सुनचाँदी व्यवसायी महासङ्घले सार्वजनिक गरेको तथ्याङ्कानुसार तेजाबी सुनको आजको मूल्य प्रतितोला ९१ हजार ५ सय रहेको छ । त्यस्तै आज चाँदीको मूल्य पाँच रुपैयाँले बढेर प्रतितोला एक हजार २५० कायम भएको छ ।

महासङ्घले अन्तरराष्ट्रिय बजारमा सुनचाँदीको मूल्यमा हुने उतारचढावका आधारमा नेपाली बजारमा दैनिक सुन तथा चाँदीको कारोबार मूल्य तोक्दै आएको छ ।