काठमाण्डु – साताको पहिलो दिन आइतबार नेपाली बजारमा सुनको मूल्य घटेको छ । नेपाल सुनचाँदी व्यवसायी महासंघका अनुसार गत शुक्रबार छापावाल सुन प्रतितोला ९४ हजार कायम भएकोमा आइतबार ४०० ले घटेर प्रतितोला ९३ हजार ६०० कायम भएको हो ।

आइतबार छापावाल सुन प्रति १० ग्राम ८० हजार २४५  कायम भएको महासंघले जनाएको छ । त्यसैगरी, तेजाबी सुन प्रतितोला ९३ हजार एक सय कायम भएको छ । त्यस्तै, तेजाबी सुन प्रति १० ग्राम ७९ हजार ८१५ कायम भएको महसंघले जनाएको छ ।

आइतबार चाँदीको मूल्य पनि तोलामा पाँचले घटेको छ । चाँदीको मूल्य प्रतितोला एक हजार २४५ कायम भएको छ । गत शुक्रबार चाँदी प्रतितोला एक हजार २५० कायम भएको थियो । त्यस्तै, चाँदीको मूल्य प्रति १० ग्राम एक हजार ६७ रुपैयाँ ५० पैसा कायम भएको महसंघले जनाएको छ ।