काठमाण्डु – नेपाली बजारमा आइतबार सुनचाँदीको मूल्य स्थिर रहेको छ । नेपाल सुनचाँदी व्यवसायी महासङ्घका अनुसार गत शुक्रबार छापावाल सुन प्रतितोला ९३ हजार एक सयमा कारोबार भएको थियो । आज पनि सुन त्यहीँ मूल्यमा कारोबार भइरहेको महासङ्घले जनाएको छ।

आज छापावाल सुन प्रति १० ग्राम ७९ हजार ८२० मा कारोबार भइरहेको छ । यता आज चाँदीको मूल्य पनि स्थिर रहेको छ । चाँदीको मूल्य प्रतितोला एक हजार २६० मा कारोबार भइरहेको महासङ्घले जनाएको छ ।