काठमाण्डु- सुनचाँदी बजारमा साताको अन्तिम कारोबार सुनको मूल्य प्रतितोला ६०० ले उकालो लागेको छ । अधिल्लो दिन प्रतितोला रु ९२ हजार १०० मा कारोबार भएको सुन आज प्रतितोला ९२ हजार ७०० मा कारोबार भइरहेको नेपाल सुनचाँदी व्यवसायी महासंघले जनाएको छ ।

 महासङ्घले सार्वजनिक गरेको विवरण अनुसार तेजाबी सुनको मूल्य आज प्रतितोला ९२ हजार २०० तोकिएको छ । यता आज चाँदीको मूल्य अघिल्लो कारोबार मूल्यका तुलनामा प्रतितोला १५ ले उकालो लागेर एक हजार २६० पुगेको महासङ्घले जनाएको छ ।