काठमाण्डु– आइतबार नेपाली बजारमा सुनको भाउ ओरालो लागेको छ । शुक्रबारको तुलनामा आइतबार सुनको भाउ तोलामा १५ सय रुपैयाँले घटेको हो ।

शुक्रबार १ लाख ५३ हजार ५ सय रुपैयाँमा कारोबार भएको सुन आज १ लाख ५२ हजार रुपैयाँमा कारोबार हुने नेपाल सुनचाँदी व्यवसायी महासंघले जनाएको छ ।

यस्तै आज चाँदीको भाउ भने स्थिर रहेको छ । शुक्रबार १८१० रुपैयाँमा कारोबार भएको चाँदी आज पनि सोहि मूल्यमा कारोबार हुने महासंघले जनाएको छ ।