काठमाण्डु – शुक्रबार, नेपाली बजारमा सुनको मूल्य स्थिर रहेको छ । चाँदीको मूल्य भने घटेको छ ।

आज सुनको खरिदबिक्री बिहीबारको बजारमा कायम मूल्यमा नै भइरहेको नेपाल सुन चाँदी व्यवसायी महसंघले जनाएको छ । महासंघले आज छापावाला सुन प्रतितोला एक लाख ६६ हजार रुपैयाँमा कारोबार भइरहेको जानकारी दिएको छ ।

गत बुधबार छापावाला सुन प्रतितोला एक लाख ६६ हजार ७०० रुपैयाँमा भएको कारोबार हालसम्मको उच्च मूल्य हो ।

शुक्रबार चाँदीको मूल्य २५ रुपैयाँले घटेको छ । शुक्रबारको बजारमा चाँदी प्रतितोला दुई हजार ७० रुपैयाँमा खरिदबिक्री भइरहेको छ । बिहीबारको बजारमा चाँदी प्रतितोला दुई हजार ९५ रुपैयाँमा खरिदबिक्री भएको थियो ।