काठमाडौं – प्रतिनिधि सभा सदस्य ज्ञानकुमारी छन्त्यालको निधन भएको छ । नेपाली कांग्रेसकी सांसद छन्त्यालको ६६ वर्षको उमेरमा आज बिहान निधन भएको हो ।

समानुपातिक तर्फबाट प्रतिनिधि सभा सदस्य रहेकी छन्त्यालको ६६ वर्षको उमेरमा बुधवार बिहान गंगालाल अस्पताल काठमाडौंमा निधन भएको कांग्रेसका प्रवक्ता विश्वप्रकाश शर्माले जानकारी दिए ।

उनी २०७० सालमा संविधान सभा निर्वाचनमा बाग्लुङ क्षेत्र नम्बर २ बाट प्रत्यक्ष निर्वाचित भएकी थिइन् ।

तमानखोला गाउँपालिका ५ खुंखानीमा जन्मेकी छन्त्याल लामो समयदेखि नेपाली कांग्रेसमा सक्रिय रहँदै आएकी थिइन् ।