उदयपुर– श्रीमतीको हत्या गरेर टाउको बोकेर बजारमा हिँडिरहेका एक युवक पक्राउ परेका छन् । पक्राउ पर्नेमा त्रिवेणी नगरपालिका–६ जलजले बस्ने ३६ वर्षीय जङ्गबहादुर घिसिङ रहेका छन् ।

मंगलबार साँझ उनले पत्नी २८ वर्षीया प्रमीला लामाको हत्या गरेका हुन् । हत्यापछि टाउको लिएर हिँडेको अवस्थामा उनलाई पक्राउ गरिएको उदयपुर प्रहरीले जनाएको छ ।

त्रिवेणी नगरपालिका–६ जलजलेमा चिया व्यापार गर्दै आएकी प्रमीला कोरियन भाषा पनि सिक्दै गरेकी खुल्न आएको छ । उनका दुई छोरा छन् उनीहरु ४ र १ कक्षामा पढ्छन् ।

दम्पतीको बिचमा २ वर्षदेखि सम्बन्ध राम्रो नभएको र सामान्य विवाद हुदा घिसिङले प्रमीला हत्या गरेर खुकुरीले टाउको काटेर बोकेर हिँडेको स्थानीयले देखेपछि प्रहरीलाई खबर गरेका थिए ।