काठमाडाैँ-नेपाली कांग्रेसले भारतीय जनता पार्टीकी नेत्री एवं भारतीय पूर्वविदेशमन्त्री सुष्मा स्वराजको निधनमा दुःख व्यक्त गरेको छ ।

कांग्रेस सभापति शेरबहादुर देउवाले बुधबार नेत्री स्वराजको निधनमा दुःख प्रकट गर्दै भारतीय प्रधानमन्त्री नरेन्द्र मोदी र भारतीय जनता पार्टीका अध्यक्ष अमित शाहलाई छुट्टाछुट्टै समवेदना सन्देश पठाएका हुन्।

सभापति देउवाले पठाएको सन्देशमा नेपाल र भारतबीचको सम्बन्धलाई सुदृढ बनाउन स्वर्गीय स्वराजले पु¥याउनुभएको योगदानको स्मरण गरे। उनले स्वराजको असामयिक निधनप्रति दुःख प्रकट गर्दै भारत सरकार, भारतीय जनता पार्टीका सदस्य, स्वर्गीय स्वराजका परिवारका सदस्यसहित सम्पूर्ण भारतीय जनताप्रति गहिरो समवेदना प्रकट गरे।