काठमाण्डु– एनपीएलको २१अ‍ौँ खेलमा जनकपुर बोल्ट्सले सानदार जित हात पारेको छ । टीयू मैदानमा काठमान्डुले दिएको १०२ रनको लक्ष्य पछ्याएको जनकपुरले १६ ओभरमा ५ विकेट गुमाएर भेट्टायो । याे जित सँगै एनपीएलको प्लेअफमा पुग्ने पहिलो टोली जनकपुर बनेको छ।

जनकपुरका लागि सर्वाधिक जेम्स नसिमले १७ बलमा २७ रन हाने । उनले ३ छक्का र १ चौका हाने । यस्तै लाहिरु मिलान्था २० बलमा १६ रन, हर्ष थाकरले अभिजित अनिल साहले १० बलमा ११ रन जोडे ।

काठमान्डुका लागि करण केसीले २ विकेट, दिपेस कडेँल,गेर्हार्ड इरास्मस, शाहव आलमले समान १–१ विकेट लिए ।

यसअघि कीर्तिपुरस्थित टीयू मैदानमा टस जितेर पहिले ब्याटिङ गरेको काठमान्डु १९.३ ओभरमा सबै विकेट गुमाएर १०१ रनमा अलआउट भएको थियो।

काठमान्डुका लागि जेरार्ड एरासमसले सर्वाधिक २०, करण केसील १९ र स्टेफेन इसक्नाजीले १७ रन बनाए । बाँकीले दोहोरो अंकमा रन बनाउन सकेनन्।

बलिङमा जनकपुरका लागि ललितले ३, शेर मल्लले ३, मोहम्मद मोहसिनले २ विकेट लिए । किशोर महतो र अरनिको यादवले समान १ विकेट लिए ।