काठमाण्डु- प्रथम झापा कप फुटबलमा आजदेखि सेमिफाइनलका खेल शुरू हुँदैछन् । पहिलो सेमिफाइनलमा आज सिरहाको सलहेश फुटबल क्लब र चर्च ब्वाइज युनाइटेड खेल्दैछन् ।

बिर्तामोडको डोमालाल राजवंशी मैदानमा हुने खेल दिउँसो २ बजेपछि शुरू हुने छ । काठमाडौंको एनआरटी क्लब र इटहरीको राष्ट्रिय जागृति क्लब सेमिफाइनलमा पुगेका छन् ।

झापा–११ फुटबल क्लबको आयोजनामा भइरहेको प्रतियोगिता पुस ८ गतेसम्म चल्नेछ । विजेताले १० लाख रुपैयाँ र उपविजेताले पाँच लाख रुपैयाँ पुरस्कार पाउनेछन् ।