ओखलढुंगा – प्रहरीले जुवातास खेल्दाखेल्दै ओखलढुंगाबाट ६ जनालाई पक्राउ गरेको छ ।

सिद्धिचरण नगरपालिका–११ रमाईलो डाँडास्थित फ्रेण्डसिप वर्कसपमा जुवातास खेलिरहेको अवस्थामा वर्कसपका सञ्चालक सुनकोशी गाउँपालिका–९ बस्ने २८ वर्षीय लेखबहादुर सुनुवार लगायत ६ जनालाई बिहीबार राति प्रहरीले पक्राउ गरेको छ ।

जिल्ला प्रहरी कार्यालय ओखलढुंगाबाट खटिएको प्रहरी टोलीले उनीहरूलाई नगद २२ हजार ७०० रूपैयाँ, मोबाइल ७ थान र १ बुक ताससहित पक्राउ गरेको छ ।

जुवातास सम्बन्धमा आवश्यक अनुसन्धान गरिरहेको प्रहरीले जनाएको छ ।