काठमाडौं – राष्ट्रिय प्रजातन्त्र पार्टी (राप्रपा) का अध्यक्ष कमल थापालाई प्रहरीले नियन्त्रणमा लिएको छ । थापासहित प्रहरीले ३ जनालाई नियन्त्रणमा लिएको हो ।

पक्राउ पर्नेमा अध्यक्ष थापा, नेता बुद्विमान तामाङ, दिपक बोहोरालगायत रहेका छन् । उनीहरुलाई राजधानीको पद्मोदय मोडबाट पक्राउ गरिएको पार्टी प्रवक्ता मोहन श्रेठले जानकारी दिए ।

प्रहरीका अनुसार राप्रपाका नेता–कार्यकर्ताले निषेधित क्षेत्र तोड्ने प्रयास गरेपछि उनीहरुलाई नियन्त्रणमा लिइएको हो । उनीहरुले हिन्दु राष्ट्र कायम गर्नुपर्ने माग राख्दै प्रदर्शनीमार्गमा प्रदर्शन गरेको थिए ।