काठमाडौं– कञ्चनपुरकी निर्मला पन्तको बलात्कार पछि हत्यामा संलग्नलाई कारबाहीको माग गर्दै शुरु भएको आन्दोलनमा प्रहरीले गोली चलाएको छ ।

गोली प्रहारबाट चार जना घाइते भएका छन् । गोली लाग्नेमा १८ वर्षिय अर्जुन भण्डारी, टेक भट्ट, किरण पाण्डे सन्तोष कठरिया छन् । घाइतेलाई उपचारका लागि महाकाली अञ्चलमा लगिएको छ ।

प्रहरीले निर्मलाको बलात्कारमा संलग्न रहेको अभियोगमा स्थानीय दिलीप बिस्टलाई सार्वजनिक गरेपछि दोषीलाई बचाउन प्रहरी सक्रिय भएको भन्दै आन्दोलन चर्किएकाे हो ।

जिल्ला प्रहरी कार्यालय कञ्चनपुरका प्रहरी नायव उपरीक्षक (डिएसपी) ज्ञान सेठीले भने गोली नचलाएको दाबी गरेका छन् ।