काठमाण्डु– नेपाल प्रिमियर लिग (एनपीएल)को छैटौं खेलमा कर्णाली याक्सले काठमान्डु गुर्खाजलाई १५० रनको लक्ष्य दिएको छ । कीर्तिपुरस्थित टीयू मैदानमा टस हारेर पहिले ब्याटिङ गरेको कर्णालीले २० ओभरमा ५ विकेट गुमाएर १४९ रन बनायो ।

कणालीका लागि शिखर धवनले ५१ बल खेल्दै ४ चौका र ५ छक्का मदतमा अविजित ७२ रन जोडे । जिसान मक्सुद अविजित १४, चाडविक वाल्टनले २१, बाबा रहायतले १३ र गुल्सन झा ले २,अर्जुन घर्ती ४ रनमा आउट भए भने ओपनर देव खनालले खाता खोल्न सकेनन् ।

बलिङमा काठमाडौंका जेरार्ड एरासमसले २ र करण केसी, नाथन सोटर र दिपेश कँडेलले समा १–१ विकेट लिए ।