काठमाण्डु – एभरेष्ट प्रिमियर लिग (ईपीएल) मा विराटनगर वारिरियर्सले काठमाण्डुलाई १०५ रनको लक्ष दिएको छ । वर्षाका कारण ८ ओभरमा छोट्याइएको खेलमा विराटनगरले काठमाण्डु किङ्स-११ लाई १ सय ५ रनको लक्ष्य दिएको हो ।

टस हारेर ब्याटिङको निम्तो पाएको विराटनगरले निर्धारित ८ ओभरमा ५ विकेट गुमाएर १ सय ४ रनको योगफल तयार गरेको थियो ।

विराटनगरका लागि अनिल शाहले १६ बलमा २ चौका र ५ छक्कासहित ४५ रनको उत्कृष्ट इनिङ खेल्दै अविजित रहँदा ओपनर रयान पठनले ११ बलमा २ चौका र ३ छक्कासहित ३० रन र करण केसीले ११ बलमा १५ रन जोडे । भने, अन्य व्याट्सम्यानले उल्लेख्य प्रदर्शन गर्न सकेनन् । काठमाण्डुको बलिङमा गुल्सन झा, रयान वर्ल र सन्दीप लामिछानेले समान १ विकेट लिए ।