काठमाडौं-  प्रदेश ३ का भौतिक पूर्वाधार तथा विकास मन्त्री केशव स्थापितलाई सरकारबाट हटाउने तयारी भएको छ । मुख्यमन्त्री डोरमणी पौडेलमाथि अभद्र व्यवहार गरेकाले मन्त्री स्थापितलाई सरकारबाट हटाउने तयारी भएको स्रोतले बतायो ।

 दुई जना महिला पत्रकारले मन्त्री स्थापितमाथि यौन दुव्र्यवहारको आरोप लगाइरहेका बेला सर्वत्र विरोध हुँदै आएको छ । मुख्यमन्त्री पौडेलले स्थापितलाई मन्त्रीबाट हटाउने तयारी गरेका हुन् । पौडेलले पार्टी नेतृत्वसँग छलफल गर्ने स्रोतले बतायो ।

बुधबार बसेको मन्त्रिपरिषद् बैठकमा मन्त्री स्थापितले बजेटको विषयमा टेबुल ठोकाठोक गरेको स्रोतले बतायो ।

स्रोतले भन्यो, ‘केशवजी अभ्रद तरिकाले प्रस्तुत हुनुभयो। उत्तेजनामा आउनुभयो। अशिष्ट, अमर्यादित भाषा प्रयोग गर्नुभयो । मन्त्रीहरू सबै पार्टीले चयन गरेको हो । पार्टीको सरकार भएकाले मुख्यमन्त्रीले नेतृत्वसँग छलफल गरेर निर्णय लिनुहुन्छ ।’