एजेन्सी – उत्तर कोरियाले आफ्नो सोहे लन्च साइटबाट फेरी एक अर्को महत्वपूर्ण परिक्षण गरेको छ । उत्तर कोरियाली मीडियाले यसको बारेमा जानकारी दिएको हो । अमेरिका र उत्तर कोरियाबीच परमाणु सम्झौताको विषयलाई लिएर समयसीमा तय भएको छ । तर, यो पुरा हुनु पूर्वनै उत्तर कोरियाले दुई परिक्षण गरेको छ । यसपछि यो महत्वपूर्ण सम्झौतामा गतिरोध आउने देखिएको छ ।

सोहे परिक्षण साइटमा गरिएको परिक्षणको जानकारी अमेरिकी दूत स्टिफन बिगन सोल पुग्नु ठीक एक दिन आगाडि दिइएको हो । बिगन ३ दिनको भ्रमणका लागि दक्षिण कोरियाको राजधानी सोल पुग्दैछन् । बिगनको यो भ्रमण अमेरिकाको मध्यम रेन्जको ब्यालेस्टिक मिसाइलको परिक्षणपछि सुरु हुन लागेको हो । यो मिसाइलाई प्रशान्त महासागरमा तैनाथ गरिने छ । स्टिफन बिगन उत्तर कोरियाका लागि अमेरिकी दूत हुन् । योनहापका अनुसार आइतबारबाट सुरु हुन लागेको उनको तीन दिने यात्रा उत्तर कोरियाकोतर्फबाट गरिएको रकेट इन्जिनको परिक्षणपछि बढेको तनाव तथा अमेरिकी चेतावनीनको बीचमा रहेको छ ।

उत्तर कोरियाको सरकारी समाचार एजेन्सी केसीएनएले भनेको छ, “१३ डिसेम्बरको २२.४१ देखि २२.४८ बजेबीच सोहे स्याटलाईट लन्च साइटबाट एक अर्को महत्वपूर्ण परिक्षण गरिएको छ ।” केसीएनएलाई उद्र्ध्रृत गर्दै उत्तर कोरियाको नेशनल एकेडेमी अफ डिफेन्स साइन्सका प्रवक्ताले भनेका छन्,“यो परिक्षणबाट परमाणु शक्ति बढाउन सहयोग मिल्नेछ ।” यद्यपि उक्त बयानमा परिक्षणको बारेमा थप जानकारी दिइएको छैन ।