काठमाण्डु – प्रधानमन्त्री केपी शर्मा ओलीले नेपाल प्रिमियर लिग (एनपीएल) विजेता जनकपुर बोल्ट्स्लाई सामाजिक सञ्जालमार्फत बधाई दिएका छन् ।

एनपीएलको फाइनल खेलमा जनकपुरले जितेपछि उनले शनिबार अपराह्न सामाजिक सञ्जालमार्फत बधाई दिए ।

उनले फाइनलमा सुदूरपश्चिम रोयल्सको पनि राम्रो प्रदर्शन रहेको टिप्पणी गरेका छन् ।

उनले फेसबूकमा लेखेका छन्, ‘बधाई जनकपुर बोल्ट्स्, एनपीएल उपाधि हात पारेकोमा । आजको खेलमा सुदूरपश्चिम रोयल्सको पनि राम्रो प्रदर्शन थियो । यससँगै नेपाली क्रिकेटको महापर्व आज सम्पन्न भएको छ । एनपीएलमा सहभागी सबै टीम र आयोजक तथा व्यवस्थापक सबैलाई धन्यवाद ! फेरि पनि बधाई जनकपुर बोल्ट्स् !’