काठमाण्डु – काठमाण्डुको भीमढुंगामा चितुवाको आक्रमणबाट एकै घरका ५ जना घाइते भएका छन् । नागार्जुन नगरपालिका–८ स्थित भिमढुङ्गा हर्सनखोलाका पञ्चकुमार भट्टराईको घरमा करिब १ बजे घरसँगै रहेको कुखुरा पालेको छाप्रोमा चितुवा पसेपछि लखेट्न जाँदा चितुवाले आक्रमण गरेको हाे ।

 लोकल कुखुरा पालेकोछाप्रोमा कुखुरा खान पसेपछि हल्लाखल्ला भएको थियो । लखेटन जाँदा परिवारका ४ जना र छिमेकीलाई समेत आक्रमण गरेको थियो ।’

जिल्ला प्रहरी कार्यालय काठमाण्डुका अनुसार घाइतेहरुको शरीरको बिभिन्न भागमा चोट लागेको र हाल मनमोहन अस्पतालमा उपचार भइरहेको छ । उनीहरूको अवस्था सामान्य रहेको जनाइएकाे छ ।