काठमाण्डु– अमेरिकाको लस एन्जलसमा लागेको आगो अझै पूर्ण रूपमा नियन्त्रणमा आएको छैन। आगोमा जलेर २४ जनाको मृत्यु भइसकेको छ भने २३ जना बेपत्ता छन् ।

अमेरिकी राष्ट्रपति जो बाइडनले घटनाप्रति दुःख व्यक्त गर्दै मृतकप्रति श्रद्धाञ्जली अर्पण गरेका छन् । प्यालिसेड्सको पहाडी क्षेत्रबाट सुरु भएको डढेलो इटन र हर्स्ट क्षेत्रका बस्तीमा फैलिएको छ ।

पालिसेड्स आगलागीबाट सबैभन्दा बढी प्रभावित भएको छ त्यहाँ आगो २३ एकडभन्दा बढी क्षेत्रमा फैलिएको छ र १४ प्रतिशत क्षेत्रफलमा मात्र नियन्त्रणमा आएको छ। ५ हजारभन्दा बढी मानिस आगो निभाउन खटिएका छन्।

यस्तै ईटनमा १४ हजार एकडभन्दा बढी क्षेत्रफलमा अझै पनि आगलागी जारी छ भने आगो ३३ प्रतिशत मात्र नियन्त्रणमा ल्याइएको छ।