काठमाण्डु – लुम्बिनी प्रदेशसभा पाँचौं अधिवेशन पर्सि मंगलबार दिउँसो २ बजे आह्वान गरिएको छ ।

प्रदेश प्रमुख कृष्णबहादुर घर्ती मगरले लुम्बिनी प्रदेशसभा पाँचौं अधिवेशन आह्वान गरेका छन् ।

प्रदेश सरकारको पुस ८ गते बसेको बैठकले लुम्बिनी प्रदेशसभा हिउँदे अधिवेशन आह्वान गर्न सिफारिस गरेकोमा पर्सिका लागि बोलाइएको छ ।

मंगलबारको पहिलो बैठकमा आर्थिक मामिला तथा योजना मन्त्रालयले पेश गरेको प्रदेश आर्थिक कार्यविधि तथा वित्तीय उत्तरदायित्व सम्बन्धमा व्यवस्था गर्न बनेको विधेयक पेश हुने प्रदेशसभा सचिव दुर्लभकुमार पुनले जानकारी दिए ।