काठमाण्डु – अवैध सुन लुटपाट गरेको आरोपमा प्रहरीले भक्तपुरबाट ३ जनालाई पक्राउ गरेको छ ।

लुटपाटमा संलग्न ३ जनालाई पक्राउ गरिएको उपत्यका अपराध अनुसन्धान कार्यालयका प्रहरी उपरीक्षक (एसपी) काजीकुमार आचार्यले जानकारी दिए ।

पक्राउ पर्नेमा नुवाकोटका २६ वर्षीय सुजन नेपाली, सिन्धुपाल्चोककी ३२ वर्षीया मिनसाङ लामा उर्फ अनिता र काभ्रेको तेमाल घर भएका २२ वर्षीय लाल बहादुर तामाङ रहेका छन् ।

आरोपीहरूको साथबाट ३४६.०१० ग्राम लिक्विड सुन बरामद गरिएको छ ।

पक्राउ परेका सुजन नेपाली ४ महिनाअघि प्रहरी वृत्त महराजगञ्जबाट बर्खास्तीमा परेका पूर्वप्रहरी जवान रहेका बताइएको छ ।