काठमाण्डु-एनपीएलको फाइनल खेलमा जनकपुर बोल्ट्सको मनोबल बढाउन मधेश प्रदेशका मुख्यमन्त्री सतिशकुमार सिंह काठमाडौं आएका छन् ।

एनपीएलको फाइनल खेल आज सुदूरपश्चिम रोयल्स र जनकपुर बोल्ट्सबीच हुँदैछ । मुख्यमन्त्री सिंह जनकपुरलाई समर्थन गर्न कीर्तिपुरस्थित त्रिवि क्रिकेट मैदान पुगेका हुन् ।

मुख्यमन्त्री सिंहले आजको खेलमा जनकपुरका खेलाडीहरूको मनोबल बढाउन खेल हेर्न आएको बताएका छन् । मुख्यमन्त्री सिंहसँगै दुईजना मन्त्री र केही प्रदेश सांसद पनि कीर्तिपुर गएका छन् ।

यसैबीच एनपिएलको फाइनल जित्नका लागि मधेस प्रदेशका युवाहरूले जनकपुर बोल्ट्सको समर्थनमा विजयीको कामना स्वरुप मन्दिरमा पुगेर पूजा आराधना गरेका छन् । युवाहरूले जनकपुर बोल्ट्सको जितको लागि पूजापाठ एवं मंगलपाठ समेत गरेका छन् । उनीहरूले जनकपुरकोे राजदेवी मन्दिरमा पूजापाठ गरेका हुन् ।