काठमाण्डु – त्रिकोणात्मक टी–२० सिरिज अन्तर्गत मलेसिया र नेदरल्यान्ड्स बीचको खेल वर्षाको कारण रोकिएको छ । टियु क्रिकेट मैदानमा टस हारेर पहिला ब्याटिङ थालेको नेदरल्यान्ड्सले १०.२ ओभरमा ३ विकेट गुमाएर ६८ रन बनाउँदा खेल रोकिएको हो ।

आजको खेलमा मलेसिया विजयी भएमा फाइनल पुग्ने टोलीको टुंगो नेपाल र मलेसियाको खेलले निर्धारण गर्नेछ । तर नेदरल्यान्ड्स विजयी भएको खण्डमा भने नेपाल र नेदरल्यान्ड्स फाइनल पुग्ने पक्का हुन्छ ।

कोरोना महामारीका कारण अन्य विश्वस्तरका प्रतियोगिता स्थगित भएका बेला नेपाल क्रिकेट संघ क्यानले त्रिकोणात्मक सिरिज आयोजना गरेको हो । जारी यो प्रतियोगितामा मलेसियाले लगातार दुई खेलमा पराजय भोगको छ । यसअघि मंगलबार नेपालले २ सय ६ रन बनाएर पनि नेदरल्यान्ड्ससँग पराजित भएको थियो ।